ललितपुर, निषेधाज्ञाको बाबजुद ललितपुरको मच्छिन्द्रनाथको रथ जात्रा शुरु गरिएको छ । लामो समयदेखि रोकिएको जात्रा शुरु भएको हो । प्रहरी प्रशासनले जात्रामा रोक लगाउन प्रयास गरेको भएपनि सकेको छैन ।

बुधबार बिहानै देखि पुल्चोकस्थित रथ तान्न सयौंको संख्यामा मानिसहरू उपस्थित रहेका थिए । पुल्चोकमा यतिबेला काठमाडौ बाट समेत मानिसहरू आएपछि भिड जम्मा भएको छ भने त्यसलाई रोक्न प्रहरी प्रशासन सक्षम देखिएको छैन ।

मच्छिन्द्रनाथको रथजात्रा लिच्छविकाल देखिको ऐतिहासिक परम्परा मानिन्छ । बर्षा र सहकालका देवता मानिने मच्छिन्द्रनाथ रिसाएमा अनर्थ हुने जनविश्वास रहिआएको छ ।