३० असार २०८३ काठमाडौं – राष्ट्रपति रामचन्द्र पौडेलले सरकारको वार्षिक बजेटसँग सम्बन्धित तीन विधेयक एकसाथ प्रमाणीकरण गरेका छन्। राष्ट्रपति कार्यालयका प्रवक्ता रितेशकुमार शाक्यका अनुसार नेपालको संविधानको धारा ११३ को उपधारा (२) बमोजिम मंगलबार ‘विनियोजन विधेयक, २०८३’, ‘राष्ट्र ऋण उठाउने विधेयक, २०८३’ र ‘आर्थिक विधेयक, २०८३’ प्रमाणीकरण गरिएको हो।

तीनै विधेयक संघीय संसद्बाट पारित भएपछि प्रमाणीकरणका लागि राष्ट्रपतिसमक्ष पठाइएको थियो। राष्ट्रपतिबाट प्रमाणीकरण भएसँगै सरकारको आर्थिक वर्ष २०८३/८४ को बजेट कार्यान्वयनका लागि आवश्यक कानुनी प्रक्रिया पूरा भएको छ र बजेट कार्यान्वयनको बाटो खुलेको छ।