काठमाडौं । फिफा विश्वकप २०२६ अन्तर्गत समूह ‘एफ’ को महत्त्वपूर्ण खेलमा जापान र स्विडेनले पहिलो हाफ गोलरहित बराबरी खेलेका छन्।

अमेरिकाको डल्लास स्टेडियममा जारी खेलमा दुवै टोलीले पहिलो हाफमा केही अवसर सिर्जना गरे पनि गोल गर्न सकेनन्। जापानले पहिलो हाफको अन्त्यतिर आक्रमणको तीव्रता बढाए पनि स्विडेनका गोलरक्षकले उत्कृष्ट बचाउ गर्दै टोलीलाई संकटबाट जोगाएका थिए।

समूह ‘एफ’ मा दुवै टोलीका लागि यो खेल नकआउट चरण प्रवेशको दृष्टिले निकै निर्णायक मानिएको छ। जापान बराबरीले पनि अर्को चरण पुग्ने सम्भावनामा रहँदा स्विडेनलाई भने जित निकाल्ने दबाब छ। दोस्रो हाफमा दुवै टोलीले आक्रामक खेल प्रदर्शन गर्दै निर्णायक गोलको खोजी गर्ने अपेक्षा गरिएको छ।