२८ जेठ २०८३ काठमाडौं – नेपाली बजारमा सुनको मूल्य निरन्तर घट्दै गएको छ। पछिल्ला केही दिनदेखि लगातार ओरालो लागेको सुनको मूल्य आज पनि ठूलो गिरावटसहित कारोबार भएको छ।

नेपाल सुनचाँदी व्यवसायी महासंघका अनुसार आज मात्र सुनको मूल्य प्रतितोला ५ हजार १०० रुपैयाँले घटेर २ लाख ८६ हजार ७ सय रुपैयाँमा कारोबार भइरहेको छ।

अघिल्लो दिन बुधबार सुन प्रतितोला २ लाख ९१ हजार ८ सय रुपैयाँमा कारोबार भएको थियो। लगातारको गिरावटले बजारमा सुनको मूल्य अस्थिर बन्दै गएको देखिएको छ।

व्यवसायीहरूका अनुसार अन्तर्राष्ट्रिय बजारको उतार–चढाव, डलरको दर तथा मागमा आएको कमीका कारण नेपाली बजारमा पनि सुनको मूल्य लगातार घटिरहेको हो।