१२ जेठ २०८३ काठमाडौं – करिश्मा कठरिया ले दार्चुला जिल्लामा आधारभूत सेवाको अभाव र सीमा अतिक्रमणको समस्या समाधान गर्न माग गरेकी छन्।

प्रतिनिधिसभाको मंगलबारको बैठकमा बोल्दै उनले दार्चुलाका नागरिक सडक, स्वास्थ्य, खानेपानी र सञ्चारजस्ता आधारभूत सेवाबाट वञ्चित रहेको बताइन्।

सांसद कठरियाले लिपुलेक, लिम्पियाधुरा र कालापानी क्षेत्रको अतिक्रमणसँगै आफ्नै राज्यको उपेक्षाले स्थानीय जनजीवन थप कठिन बनेको उल्लेख गरिन्। उनले आगामी बजेटमा दार्चुलालाई विशेष जिल्ला घोषणा गरी पर्याप्त बजेट विनियोजन गर्न सरकारसँग जोडदार माग गरेकी छन्।