शीतलहरका कारण दाङ र सुनसरीमा तीन दिन विद्यालय बन्द
प्रकाशित मिति
२०८२ पुष १६ गते, बुधबार ०९:०४
१६ पुस,२०८२ काठमाडौं — अत्यधिक चिसो र शीतलहरका कारण दाङ र सुनसरीका विभिन्न स्थानीय तहले तीन दिनका लागि विद्यालय बन्द गरेका छन् । दाङका घोराही उपमहानगरपालिका, गढवा र राप्ती गाउँपालिकामा तथा सुनसरीका सबै स्थानीय तहमा पुस १६ देखि १८ गतेसम्म सामुदायिक तथा संस्थागत विद्यालयमा बिदा दिइएको हो ।
स्थानीय तहले बालबालिकाको स्वास्थ्यलाई ध्यानमा राख्दै विद्यालय बन्द गरिएको जनाएका छन् । अभिभावकलाई चिसोबाट बच्न सतर्कता अपनाउन र बालबालिकालाई न्यानो अवस्थामा राख्न आग्रह गरिएको छ ।
प्रतिकृया