असार ३०,२०८२ काठमाडौं । राजनीतिक अस्थिरता गहिरिँदै जाँदा प्रधानमन्त्री निवास बालुवाटारमा आज साँझ ६ बजे मन्त्रिपरिषद्को बैठक बस्दैछ। बैठकबाट संघीय मामिला मन्त्री राजकुमार गुप्ता र पर्यटन राज्यमन्त्री अरुणकुमार चौधरी पदमुक्त हुने संकेत देखिएको छ।

भूमि आयोग र मालपोत सरुवामा घुसको आरोप लागेपछि गुप्तालाई प्रधानमन्त्री ओलीले आइतबार सोधपुछ गरेका थिए। चित्तबुझ्दो जवाफ नपाएपछि आजको बैठकमै गुप्ताको बर्खास्तीको तयारी छ।

यसैगरी, समर्थन फिर्ता लिएको नागरिक उन्मुक्ति पार्टीका प्रतिनिधि राज्यमन्त्री चौधरीको राजीनामा पनि आजकै बैठकमा स्वीकृत हुने प्रधानमन्त्री सचिवालय स्रोतले जनाएको छ।