असार ३०,२०८२ काठमाडौं । सन नेपाल लाइफ इन्स्योरेन्स कम्पनी लिमिटेडको लिलामीमार्फत बिक्रीमा रहेको अवितरित हकप्रद शेयर खरिद गर्न आज (सोमबार) अन्तिम दिन हो।

कम्पनीले १ः०.२७ अनुपातमा हकप्रद शेयर वैशाख ३० गतेदेखि असार ३ गतेसम्म निष्काशन गरेको थियो। सो अवधिमा आवेदन नपरेका २ लाख २४ हजार ७२८ कित्ता शेयर असार २३ गतेदेखि लिलामीमा राखिएको हो। लिलामी शेयर जो सुकै व्यक्ति, कम्पनी वा संघ–संस्थाले न्यूनतम १०० कित्तादेखि अधिकतम सबै शेयरका लागि प्रतिस्पर्धात्मक बोलकबोलमार्फत खरिद आवेदन दिन सक्ने व्यवस्था गरिएको छ।

शेयर खरिदमा रुचि राख्ने लगानीकर्ताहरूले आज कार्यालय समयभित्र आफ्नो आवेदन पेश गर्नुपर्नेछ।