एकदिवशीय विश्वकप अन्तर्गत सोमबार आज इंग्ल्याण्डको टाउनटनमा बंगलादेश र वेष्ट इण्डिज दुवै टोली आफ्नो लय भेट्टाउने प्रयासमा छन् । दुवैले प्रतियोगितामा उत्कृष्ट सुरुआत गरेका थिए, तर त्यसयता लगातार हार बहोर्नु परीरहेको छ । दुवै टोलीले ४ खेलबाट ३ अंकमात्र जोडेका हुन । सेमिफाइनलमा प्रवेश गर्ने सम्भावना कायम राख्न दुवैलाई जितको बिकल्प भने छैन ।

वेष्ट इण्डिजबिरुद्धको जितका लागि बंगलादेशले सबै क्षेत्रमा सुधारिएको प्रदर्शन गर्नुपर्ने देखीन्छ । बंगलादेशका लागि यो खेल आफ्नो क्षमता देखाउने अवसर पनि भएको छ ।

वेष्ट इण्डिजको बलिङ आक्रमण यो विश्वकपकै शशक्त मानिन्छ । तर, उसको ब्याटिङ अहिलेसम्म त्यस्तो देख्न पाइएको छैन जसको अपेक्षा गरिएको छ ।