८ भदौ २०८३ काठमाडौं – राष्ट्रिय स्वतन्त्र पार्टी (रास्वपा) का महामन्त्री विपिनकुमार आचार्यले गरिमा चौधरीका आमाबुबाको गृह मन्त्रालयमा खिचिएको भिडियो र हत्या आरोपितको बयानसम्बन्धी भिडियो सार्वजनिक गरिएकोप्रति आपत्ति जनाएका छन्।

सोमबार प्रतिनिधिसभाको बैठकमा बोल्दै आचार्यले संवेदनशील घटनामा पीडित परिवार तथा आरोपितसँग सम्बन्धित भिडियो सार्वजनिक गर्ने कार्य बन्द गर्नुपर्ने बताए। गरिमा चौधरी साउन ३१ गते घरबाट हराएकी थिइन्। तीन दिनपछि उनको शव फेला परेको थियो। घटनापछि उनका आमाबुबालाई काठमाडौं बोलाएर गृह मन्त्रालयमा छलफल गरिएको थियो।

आचार्यले अनुसन्धानका क्रममा आरोपितले बोलेका विषय सार्वजनिक गर्नुले समाजमा गलत प्रवृत्ति बढाउने भन्दै यस्तो कार्य रोक्नुपर्ने बताए।