८ भदौ २०८३ काठमाडौं – बाराको सिमरामा ३ वर्षीया गरिमा चौधरीको बलात्कारपछि हत्या भएको घटनामा प्रहरीले थप एक जनालाई पक्राउ गरेको छ। पक्राउ पर्नेमा जितपुर सिमरा उपमहानगरपालिका–१ का प्रदीप खड्का रहेको प्रहरीले जनाएको छ।

गरिमा भदौ २ गते जितपुर सिमरा उपमहानगरपालिका–१ मा मृत अवस्थामा फेला परेकी थिइन्। उनी घरबाट हराएको तीन दिनपछि मृत अवस्थामा भेटिएकी हुन्।

प्रहरीको अनुसन्धानबाट गरिमाको बलात्कारपछि हत्या भएको निष्कर्ष निस्किएको छ। घटनाको अनुसन्धानका क्रममा प्रदीप खड्कासहित हालसम्म ९ जनालाई नियन्त्रणमा लिइएको जिल्ला प्रहरी कार्यालय बाराका डीएसपी मीनबहादुर घलेले जानकारी दिए।

डीएसपी घलेका अनुसार घटनामा संलग्नताको आशंकामा पक्राउ परेकामाथि थप अनुसन्धान भइरहेको छ।