७ भदौ २०८३ काठमाडौं – रसुवाको उत्तरगया गाउँपालिका–१ तिरुमा वर्षासँगै आएको पहिरोले ११ वटा घर तथा गोठमा पूर्ण तथा आंशिक क्षति पुर्‍याएको छ। शुक्रबार राति करिब १० बजे काजुलाबाट पहिरो खसेर घर तथा गोठमा क्षति पुगेको हो। पहिरोका कारण ६५ जना विस्थापित भएका छन्। घटनामा मानवीय क्षति भने नभएको जनाइएको छ।

पहिरोले घर तथा गोठसँगै पशुचौपायामा समेत क्षति पुर्‍याएको छ। प्रारम्भिक अनुमानअनुसार घटनाबाट करिब २९ लाख ५० हजार रुपैयाँ बराबरको क्षति भएको छ।

स्थानीय प्रशासन तथा सम्बन्धित निकायले घटनाको थप विवरण संकलन गरिरहेको जनाइएको छ।