५ असार २०८३ काठमाडौं – राष्ट्रिय स्वतन्त्र पार्टी (रास्वपा)ले महाधिवेशनमार्फत १५१ सदस्यीय केन्द्रीय समिति गठन गर्ने प्रस्ताव पारित गरेको छ।प्रस्तावअनुसार केन्द्रीय समितिमा १०० जना निर्वाचित भएर आउनेछन् भने ५१ जना निर्वाचित सभापतिले मनोनीत गर्ने व्यवस्था गरिएको छ।

निर्वाचित हुने १०० केन्द्रीय सदस्यमध्ये ३५ जना सातै प्रदेशबाट प्रतिनिधित्व गर्नेछन्। रास्वपाका अनुसार प्रत्येक प्रदेशबाट पाँच जनाका दरले ३५ केन्द्रीय सदस्य निर्वाचित हुने व्यवस्था प्रस्ताव गरिएको छ।

यस्तै, प्रदेश सभापतिहरूलाई पदेन केन्द्रीय सदस्य बनाउने व्यवस्था पनि प्रस्तावमा समावेश गरिएको छ। रास्वपाले आगामी महाधिवेशनमार्फत नयाँ संगठनात्मक संरचना लागू गर्ने तयारी गरेको छ।