२८ जेठ २०८३ काठमाडौं – नेकपा एमालेका अध्यक्ष तथा पूर्वप्रधानमन्त्री केपी शर्मा ओलीलाई राष्ट्रिय स्वतन्त्र पार्टी (रास्वपा) को सदस्य बनाइएको भन्दै सामाजिक सञ्जालमा फैलाइएको फर्जी पोस्टरबारे प्रतिनिधिसभामा प्रश्न उठेको छ।

एमाले सांसद यशोदा बरालले बिहीबारको बैठकमा उक्त विषय उठाउँदै ओलीलाई रास्वपाको सदस्य बनाइएको नक्कली पोस्टर सामाजिक सञ्जालमा व्यापक रूपमा भाइरल भएको बताइन्।

उनले यस्तो फर्जी सामग्री तयार गरी सामाजिक सञ्जालमा फैलाउनेलाई कानुनी कारबाहीको दायरामा ल्याउन माग गरेकी छन्।

सांसद बरालले डिजिटल माध्यमको दुरुपयोग बढ्दै गएको भन्दै यस्ता गतिविधिले राजनीतिक भ्रम फैलाउने र समाजमा गलत सन्देश जाने भएकाले तत्काल नियन्त्रण आवश्यक रहेको पनि बताइन्।