काठमाडौँ । नेपाली कांग्रेसका सचेतक निश्कल राईले सरकारको नीति तथा कार्यक्रममाथिको छलफलमा प्रधानमन्त्री बालेन्द्र शाह अनुपस्थित भएमा संसदमा विपक्षी दलहरूको विरोध जारी रहने बताएका छन् । प्रतिनिधिसभाको बैठकमा बोल्दै सचेतक राईले प्रधानमन्त्री शाह प्रश्नबाट भागेर लोकतन्त्रलाई कमजोर बनाउने काम गरिरहेको आरोप लगाए ।

उनले भने, “प्रधानमन्त्रीले प्रश्नबाट भागेर लोकतन्त्र कमजोर बनाउने काम भइरहेको छ कि छैन ? प्रधानमन्त्री अनुपस्थित भए विरोध जारी रहन्छ ।”

राईले संसदलाई कार्यकारी प्रमुखले बेवास्ता गर्न नहुने भन्दै सदनलाई “मन लागे आउने, मन नलागे नआउने चिया चौतारी नभएको” टिप्पणी गरे ।

उनले देशभित्रै रहेका र संसद भवनबाट करिब १०० मिटर टाढा रहेको कार्यक्रममा समेत प्रधानमन्त्री अनुपस्थित भएको भन्दै प्रश्न उठाए ।