३१ बैशाख २०८३ काठमाडौं- राष्ट्रिय प्रजातन्त्र पार्टीकी प्रमुख सचेतक खुश्बु ओलीले प्रधानमन्त्री बालेन्द्र शाह संसद्प्रति उत्तरदायी बन्न नखोजेको आरोप लगाएकी छन् । प्रतिनिधिसभाको जारी बैठकमा बोल्दै उनले प्रधानमन्त्रीले संसदलाई महत्त्व नदिएको रूपमा आफूले बुझेको बताइन् ।

उनका अनुसार नीति तथा कार्यक्रममा समेटिएका विषय र नयाँ योजनाहरू सदनमा प्रस्तुत गर्ने महत्वपूर्ण समयमा प्रधानमन्त्री स्वयं अनुपस्थित हुनु अनौठो र अस्वाभाविक हो ।

सचेतक ओलीले यस्तो व्यवहारले संसदीय अभ्यास र लोकतान्त्रिक उत्तरदायित्व कमजोर हुने खतरा रहने बताएकी छन् ।