१५ बैशाख २०८३ काठमाडौं- मौसमविद्हरूले आज र भोलि मध्यमदेखि भारी वर्षाको सम्भावना रहेकाले विशेष गरी रातिको समयमा जोखिमयुक्त सडकमा यात्रा नगर्न आग्रह गरेका छन्। आज बेलुकादेखि वर्षा बढ्ने र भोलि झन् तीव्र हुने अनुमान गरिएको छ। काठमाडौं उपत्यकासहित पूर्वी क्षेत्रका अधिकांश स्थानमा वर्षा हुने सम्भावना रहेको जनाइएको छ।

वर्षाका कारण साना खोलामा आकस्मिक बाढी, पहाडी क्षेत्रमा पहिरो र सडक अवरुद्ध हुने जोखिम रहेको छ। त्रिभुवन, पृथ्वी, सिद्धार्थ, पासाङल्हामु र बीपी राजमार्गमा राति यात्रा नगर्न सुझाव दिइएको छ।

जल तथा मौसम विज्ञान विभागका अनुसार कोशी, मधेश, बागमती र गण्डकी प्रदेशसहित देशभरका केही स्थानमा मेघगर्जन चट्याङसहित वर्षा हुने र केही ठाउँमा भारी वर्षा हुन सक्ने भएकाले सतर्कता अपनाउन आग्रह गरिएको छ।