१२ बैशाख २०८३ काठमाडौं – थापाथलीस्थित सुकुमवासी बस्ती खाली गराउने कार्य शनिबार बिहानदेखि सुरु गरिएको छ। बस्ती हटाउने क्रममा डोजर प्रयोग गरिएको हो।

बस्ती क्षेत्रमा बाक्लो सङ्ख्यामा नेपाल प्रहरी परिचालन गरिएको छ। प्रहरीले बस्तीमा रहेका व्यक्तिहरूलाई सुरक्षित रूपमा अन्यत्र स्थानान्तरण गर्न सहयोग गरिरहेको जनाएको छ।

अधिकांश सुकुमवासीहरूले शुक्रबार नै बस्ती छाडिसकेका भए पनि केहीले भने शनिबार बिहान मात्रै आफ्नो सामान निकालिरहेका छन्। उनीहरूको सामान व्यवस्थापन तथा स्थानान्तरणमा पनि प्रहरीले सहयोग गरिरहेको छ।

बस्ती हटाउने कार्यलाई शान्तिपूर्ण रूपमा सम्पन्न गराउने उद्देश्यले सुरक्षाकर्मीको उपस्थिति बढाइएको जनाइएको छ। तस्बिर: नेपाल प्रहरी