१४ चैत,२०८२ काठमाडौं – नेकपा एमाले अध्यक्ष केपी शर्मा ओली पक्राउपछि स्वास्थ्य परीक्षणका लागि त्रिवि शिक्षण अस्पताल (टिचिङ अस्पताल) भर्ना भएका छन्। उनलाई ‘एनेक्स वान’को ५०१ नम्बर बेडमा राखिएको अस्पताल स्रोतले जनाएको छ।

आज बिहान पक्राउपछि ओलीलाई अस्पताल लगिएको थियो। मिर्गौला प्रत्यारोपण गरेका कारण प्रारम्भमा उनलाई अस्पतालको ‘रेड एरिया’मा राखिएको थियो, जहाँ नेफ्रोलोजी टिमका डा. रविन नेपालीसहितको टोलीले स्वास्थ्य परीक्षण गरेको थियो।

रगत जाँच र भिडियो एक्सरेलगायतका परीक्षणपछि उनलाई एनेक्स वान भवनको ५०१ नम्बर बेडमा सारिएको बताइएको छ। सो भवनमा लैजाँदा उनलाई सवारीसाधनमा राखेर लगिएको जनाइएको छ।

जेनजी आन्दोलनमा दमन गरेको आरोपमा फौजदारी कसुरमा कारबाही सिफारिस भएपछि प्रहरीले ओलीलाई आज बिहान गुण्डुस्थित निवासबाट पक्राउ गरेको हो।