मंसिर  ३, २०८२ काठमाडौं— नेपाली कांग्रेसका महामन्त्री विश्वप्रकाश शर्माले बारामा भएको निषेधसम्बन्धी घटनालाई लिएर निषेधको राजनीतिमा नझर्न सबैलाई आग्रह गरेका छन्।शर्माले बुधबार आफ्ना एक्स मार्फत नेकपा एमालेका नेताहरूलाई लक्षित गर्दै सिमरा घटनालाई जेनजी पुस्ताको भावना नभएर दुरुपयोग भएको बताएका छन्।

उनले भने, “सामाजिक सञ्जालमा निषेधविरुद्ध उभिने जेनजी कसैको ‘समाज भ्रमण अधिकार’ विरुद्ध उभिन सक्दैनन्। अतः सिमरा घटना जेनजी भावना होइन, त्यसको दुरुपयोग हो। निषेधको राजनीति कसैले नगरौं।”

महामन्त्री शर्माले भ्रमणको वातावरण सुनिश्चित नभएसम्म चुनाव सम्भव नहुने भन्दै प्रधानमन्त्री सुशीला कार्कीको ध्यानाकर्षण पनि गराएका छन्। उनले सिमरा घटनालाई दुःखद् घटनाका रूपमा व्याख्या गरेका छन्।