कात्तिक  १७, २०८२ काठमाडौं— जेन–जी आन्दोलनका क्रममा भएको दमन र त्यसपछिको आगजनीबारे जाँचबुझ गर्न बनेको आयोगको पत्रका आधारमा प्रहरी मुख्यालयले तत्कालीन इञ्चार्जहरूलाई काठमाडौं उपत्यका नछाड्न निर्देशन दिएको छ। प्रहरी मुख्यालयले आइतबार काठमाडौं उपत्यका प्रहरी कार्यालय, रानीपोखरीलाई पत्र पठाउँदै भदौ २३ र २४ गते उपत्यकामा खटिएका प्रहरी इञ्चार्जहरूलाई उपस्थित रहन व्यवस्था मिलाउन निर्देशन दिएको हो।

जाँचबुझ आयोगले ती इञ्चार्जहरूलाई कुनै पनि बेला बयानका लागि उपस्थित गराउन सकिने उल्लेख गर्दै मुख्यालयलाई पत्र पठाएको थियो। आयोगले आइतबारदेखि सोधपुछ र बयान प्रक्रिया सुरु गरेको छ।