कात्तिक ३, २०८२ काठमाडौं– फोनपे पेमेण्ट सर्भिस लिमिटेडले आगामी कात्तिक २४ गते साँझ ५ बजे नक्सालमा छैटौं वार्षिक साधारणसभा बोलाएको छ। साधारणसभाले सर्वसाधारणलाई शेयर (आईपीओ) निष्कासन गर्ने, साथै कम्पनीको प्रबन्धपत्र र नियमावली संशोधन गर्ने विशेष प्रस्ताव पारित गर्नेछ।

त्यस्तै, सभाले चालु आवको लागि लेखापरीक्षक नियुक्ति, गत आवको वित्तीय विवरण पारित, चुक्ता पूँजीको १९% नगद लाभांश वितरण, र स्वतन्त्र सञ्चालक नियुक्ति गर्ने प्रस्तावहरू पनि निर्णय गर्नेछ।

फोनपेले पहिलो पटक आईपीओ निष्कासनको तयारी गर्दै गरेको हो। प्रस्ताव पारित भएपश्चात कम्पनीले नियामकीय प्रक्रिया अघि बढाउनेछ।