असोज ७,  २०८२ काठमाडौं–  आज कोसी, बागमती र गण्डकी प्रदेशका पहाडी भूभागमा एक–दुई स्थानमा भारी वर्षा हुने सम्भावना रहेको मौसम पूर्वानुमान महाशाखाले जनाएको छ।

महाशाखाका अनुसार दिउँसो देशभर सामान्य बदली रहनेछ। कोसी, मधेस, बागमती, गण्डकी र लुम्बिनी प्रदेशका केही स्थानहरूमा मध्यम वर्षा हुन सक्नेछ भने पहाडी क्षेत्रका केही स्थानमा भारी वर्षाको सम्भावना छ।

राति भने गण्डकी, लुम्बिनी र कर्णाली प्रदेशका पहाडी भूभागका थोरै स्थानमा तथा अन्य केही तराई भूभागमा मध्यम वर्षा हुन सक्ने पूर्वानुमान गरिएको छ। महाशाखाले वर्षासँगै सम्भावित पहिरो तथा नदीमा पानीको बहाव बढ्न सक्ने भन्दै सतर्कता अपनाउन आग्रह गरेको छ।