श्रावण १३ ,२०८२ काठमाडौं । असार २३ गते रसुवामा आएको अविरल वर्षा र बाढीपहिरोले करिब ८४ करोड ३८ लाख रुपैयाँ बराबरको बीमा दावी परेको छ। नेपाल बीमा प्राधिकरणका अनुसार ११ निर्जीवन बीमा कम्पनीमा ६८ वटा दावी दर्ता भएका छन्।

हिमालयन एभरेष्ट इन्स्योरेन्समा सबैभन्दा बढी ५५ करोड रुपैयाँ, शिखर इन्स्योरेन्समा १६ करोड ८५ लाख, र नेको इन्स्योरेन्समा ५ करोड १२ लाख रुपैयाँको दावी परेको छ। अन्य कम्पनीहरूमा समेत करोडौं बराबरको प्रारम्भिक दावी परेको छ।

बीमा क्षेत्रअनुसार, सबैभन्दा बढी सम्पत्ति बीमामा ५८ करोड, सामुन्द्रिक बीमामा १६ करोड २३ लाख, र मोटर बीमामा पाँच करोडभन्दा बढी दावी दर्ता भएका छन्। बीमा प्राधिकरणले क्षतिपूर्तिको प्रक्रिया छिटो गर्न सबै बीमा कम्पनीहरूलाई निर्देशन दिएको छ।