काठमाडौं । प्रतिनिधिसभाको जारी गतिरोध अन्त्य गर्न सभामुख देवराज घिमिरे सक्रिय भएका छन्। बुधबार संसद् भवनमै सभामुखले विपक्षी तीन दलका प्रमुख सचेतकहरूसँग छलफल गरिरहेका छन्।

छलफलमा नेकपा (माओवादी केन्द्र) का प्रमुख सचेतक हितराज पाण्डे, राष्ट्रिय स्वतन्त्र पार्टीका सन्तोष परियार, र नेकपा (एकीकृत समाजवादी) का नेता सहभागी थिए।

विपक्षी दलहरूले भिजिट भिसा प्रकरणमा गृहमन्त्री रमेश लेखकको संलग्नता रहेको आरोप लगाउँदै आएका छन्। उनीहरूले गृहमन्त्रीको राजीनामा र घटनाको छानबिनका लागि उच्चस्तरीय समिति गठन गर्नुपर्ने माग राख्दै सदन अवरुद्ध गर्दै आएका छन्।