चैत्र २५, २०८१ काठमाडौँ: ‘इन्डियन आइडल सिजन १५’ को उपाधि मानसी घोषले जितेकी छन् । गएराती सम्पन्न फिनालेमा मानसीले उपाधि जितेकी हुन् ।

मानसीले आफ्नो भावुक र शक्तिशाली गायनले साथी फाइनलिस्ट सुभजित चक्रवर्ती र स्नेहा शंकरलाई पराजित गरेकी थिइन् । उनको निरन्तर प्रदर्शन र दर्शकहरूसँग जोडिने क्षमताले उनलाई शीर्ष स्थान हासिल गर्न मद्दत गर्‍यो ।

‘इन्डियन आइडल सिजन १५’ अक्टोबर २०२४ मा सुरु भएको थियो र पाँच महिनासम्म चल्यो । यस समयमा, धेरै प्रतियोगीहरूले कार्यक्रममा आफ्नो आवाजको जादू फैलाए । अन्ततः तीन जना प्रतियोगी फाइनलमा पुगे । मानसी घोषले आफ्नो उत्कृष्ट प्रस्तुतिबाट उपाधि जितेकी छन् ।