पोखरा स्थित सूर्यदर्शन सहकारी ठगी प्रकरणमा रवि लामिछानेको पक्षबाट आज (सोमबार) कास्की जिल्ला अदालतमा अधिवक्ता सोविता गौतमलगायतका कानून व्यवसायीले बहस गर्दैछन्। वरिष्ठ अधिवक्ता सुशीलकुमार पन्त र रमण श्रेष्ठ पनि लामिछानेको पक्षमा बहसमा सहभागी हुनेछन्।

यसअघि, गोरखा मिडिया नेटवर्कका पूर्व सञ्चालक छविलाल जोशी तथा लीला पछाईका तर्फबाट बहस भइरहेको थियो। न्यायाधीश नितिज राईको इजलासमा जारी थुनछेक बहसमा जोशीका तर्फबाट ६ जना कानून व्यवसायीले वकालतनामा लेखाएका छन्, जसमा वरिष्ठ अधिवक्ता शम्भु थापाको बहस पूरा भइसकेको छ।

लामिछानेको बहसपछि अन्य प्रतिवादीहरू रामबहादुर खनाल, मीना गुरुङ, कृष्णबहादुर गुरुङ, र आरती गुरुङका तर्फबाट बहस गरिनेछ।