मंसिर २०, २०८१ काठमाडौँ: नेपाल प्रिमियर लिग (एनपीएल) मा आज दुई खेल हुँदै छन् ।

कीर्तिपुरस्थित त्रिवि क्रिकेट मैदानमा हुने पहिलो खेलमा पोखरा एभेन्जर्स र जनकपुर बोल्ट्स भिड्दैछन् । प्रतियोगितामा जनकपुरले यसअघि लगातार दुई खेलमा जित हासिल गरको छ भने पोखराले आफ्नो पहिलो खेलमा हार बेहोरेको छ । यो खेल बिहान ९: १५ बजेदेखि शुरु हुदै छ ।

त्यस्तै काठमान्डु गुर्खाज र सुदूरपश्चिम रोयल्सबीच दोस्रो खेल हुदै छ । यो खेल दिउँसो १: १५ बजेदेखि सुरु हुनेछ । सुदूरपश्चिम रोयल्सले आफ्नो पहिलो खेलमा जित हासिल गरेको छ भने काठमान्डु गुर्खाजले २ खेलमा एक जित हासिल गरेको छ ।

मंसिर १५ गतेदेखि सुरु भएको प्रतियोगितामा कुल ८ फ्रेन्चाइजीले भाग लिएका छन् । प्रतियोगिताको फाइनल खेल पुस ६ गते हुनेछ ।