मंसिर ११, २०८१ काठमाडौँ: भारतीय महान क्रिकेटर सचिन तेन्दुलकरका छोरा अर्जुन तेन्दुलकरलाई आइपिएल अक्सनमा मुम्बई इण्डियन्सले किनेको छ ।

२५ बर्षिय तेन्दुलकरलाई साउदी अरेबियामा सोमबार राती सम्पन्न मेगा अक्सनमा मुम्बई इण्डियन्सले ३० लाख आधार मुल्यमा किनेको हो ।

अर्जुन यसअघि पनि मुम्बई इण्डियन्सको टिममा नै थिए । मुम्बई टिममा रहेपनि उनले खेल्ने अवसर भने खासै पाएका छैनन् । उनले गत सिजनमा केवल एक खेल खेलेका थिए भने त्यस अघि २०२३ मा ४ खेल खेलेका थिए पनि पाएका थिए । अर्जुनले आइपिएलका कुल ५ खेलमा ३ विकेट लिएका छन् ।

अर्जुन भारतीय घरेलु खेल रणजी ट्रफीमा भने गोवाबाट खेल्ने गर्दछन् । रणजी ट्रफीमा भने उनको प्रदर्शन उत्कृष्ट रहदै आएको छ । उनले फर्स्ट क्लास क्रिकेटमा १७ खेलमा ३७ विकेट लिएका छन् भने एक शतक र एक अर्धशतकसहित ५३२ रन पनि बनाएका छन् ।