३० असोज २०७९, काठमाडौँ: नायिका रिस्ता बस्नेतले घरज मगर्ने सुरसार गरेकी छिन्। उनले न्यूयोर्क बस्दै आएका अजय सिंह ठकुरीसँग लगनगाँठो कस्ने भएकी छिन्। पछिल्लो केहि समय यता रिस्ता र अजय प्रेममा थिए । उनीहरुले केहि समयदेखिको आफूहरुको प्रेम सम्बन्धलाई विवाहमा परिणत गर्ने भएका हुन्।

पछिल्लो समय भैरहेका फिल्मको प्रिमियर कार्यक्रममा रिस्ता र अजय सँगै देखिदै आएका छन् । प्रिमियर भेटघाटकै क्रममा रिस्ताले चाँडैनै अजयसँग विवाह बन्धन बाँधिन लागेको बताएकी छिन् ।

अमेरिकाको न्युयोर्कमा कार्यरत अजय केहिसमय अघि मात्रै नेपाल आएका हुन् । मिति तय नभएपनि यसै वर्ष विवाहको तयारीमा रहेको रिस्ताले बताएकी छिन् ।

थुप्रै फिल्ममा अभिनय गरेकी रिस्ता उद्योगमा स्थापित हुन भने सकेकी छैनन् । ‘होस्टल’बाट अभिनय यात्रा थालेकी रिस्ता उद्योगमा स्थापित हुने सघर्षमा छिन् ।