२९ बैशाख २०७९, काठमाण्डौं : बुद्ध एयरले रात्रिकालीन उडान गर्ने भएको छ । बिहीबार एक विज्ञप्ति जारी गर्दै कम्पनीले आगामी मे १५ देखि रात्रिकालीन उडान विस्तार गर्ने घोषणा गरेको हो ।

विज्ञप्ति अनुसार दैनिक कामकाजमा व्यस्त यात्रुहरूका लागि रात्रिकालीन उडान निकै आकर्षक हुने छ । रात्रिकालीन उडानमा तत्कालका लागि जनकपुर, नेपालगञ्ज, विराटनगर, भैरहवा, भद्रपुर र सिमरामा उडान गरिने भएको छ । जसमा राति ८ बजेदेखि १२ बजेसम्म उडान गरिने भएको छ ।

रात्रिकालीन उडान हुने गन्तव्यहरुमा त्यहाँको प्रदेश र स्थानीय सरकारले सार्वजनिक यातायातको सुविधाको लागि अनुरोध गरेको समेत बुद्ध एयरले जनाएको छ ।