३ चैत्र २०७८, काठमाडौँ :  काठमाडौंको बालाजुस्थित गंगाहल नजिकै दुर्घटना गराएर भागेका बस चालकलाई प्रहरीले पोखराबाट पक्राउ गरेको छ । फागुन ३० गते वंशीले चलाएको ना.५ ख ३०९६ नम्बरको बसले ठक्कर दिँदा गोरखा घर भएका ५८ वर्षीय भिम प्रसाद रेग्मीको उपचारको क्रममा न्यूरो अस्पतालमा मृत्यु भएको थियो ।

बिहान ५ बजे पैदल हिँडेका रेग्मीलाई बसले ठक्कर दिएको थियो । दुर्घटना गराएर भागेका कास्कीको रुपा गाउँपालिका–४ मा घर भएका राजकुमार वंशीलाई जिल्ला प्रहरी कार्यलय कास्कीसँग समन्वय गरेर पक्राउ गरिएको महानगरीय प्रहरी परिसर काठमाडौंका एसपी दिनेश राज मैनालीले जानकारी दिए ।