२ फागुन २०७८, काठमाडौं : आइतबार १ सय १ अंकले घटेको सेयर बजारमा आज सोमबार भने स्थिरता कायम भएको छ । नेपाल स्टक एक्सचेन्जका अनुसार आज सामान्य शुन्य दशमलव ०.८ प्रतिशतले मात्र नेप्से बढ्दै २७ सय दशमलव ९८ विन्दुमा अडिएको हो ।

शुन्य दशमलव ०.८ प्रतिशतले बढेको बजारमा आज ३ अर्ब ६८ करोड ४० हजार रुपैयाँ बराबरको कारोबार भएको छ । अघिल्लो दिन १०१ अंकले घटेको बजारमा ५ अर्ब ९७ करोड ७२ लाख रुपैयाँको कारोबार भएको थियो ।

सोमबार १११ कम्पनीको सेयर मूल्य बढ्दा ६९ कम्पनीको मूल्य घट्यो भने ११ कम्पनीको मूल्यमा कुनै परिवर्तन भएन ।

आज क वर्गको सेन्सेटिभ इन्डेक्स भने शुन्य दशमलव ३६ अंकले घट्दै ५११ दशमलव ३० अंकमा झरेको छ । यस दिन बैंकिङ, ट्रेडिङ, निर्जीवन बीमा, म्यानु एण्ड प्रो र मुचुअल फन्ड समूहको उपसूचक ऋणात्मक भएका छन् भने बाँकी सबै उपसूचक धनात्मक भएका छन् ।