२८ माघ २०७८, काठमाडौं : गायिका शशी किराती तथा जीवन मुकारुङको युगल गीत ‘हातैको रुमाल’ बोलको म्यूजिक भिडियो सार्वजनिक भएको छ । शब्द तथा सङ्गीत जीवन मुकारुङको रहेको गीत ‘हातैमा रुमाल’ पूर्वेली लोकलयमा आधारित गीत हो ।

गीतको भिडियो अफिसियल युट्युब च्यानल ‘शशी किराती’मार्फत् सार्वजनिक भएको छ । पदमरजन मगरले गरेका एरेन्ज गरेको गीतको रेकर्डिङ, मिक्सिङ सेवा रेकर्डिङ स्टुडियोमा गरिएको हो । भिडियोमा छायाङ्कन योगेन मुकारुङ तथा सम्पादन जीवन मुकारुङले गरेका छन् ।

संखुवासभाको सिलिचोङ गाउँपालिका, माङ्तेवाकी गायिका शशी किराती मोफसलमै रहेर विगत दुई वर्षदेखि नेपाली गीत–सङ्गीतका क्षेत्रमा निरन्तर सक्रिय छिन् । छोटै अवधिमा उनका दुई दर्जन भन्दा बढी गीत रेकर्ड भएका छन् ।