काठमाडौँ : पछिल्लो समय चर्तित सामाजिक सञ्जाल क्लबहाउसमा नेपाल प्रहरीको नाम, लोगो र प्रहरी अधिकारीहरूको दर्ज्यानी चिह्नसहित तस्वीर दुरुपयोग गर्ने एक युवकलाई प्रहरीले पक्राउ गरेको छ ।

‘नेपाल प्रहरीको छविमा नकारात्मक प्रभाव पार्ने गरी सूचना सम्प्रेषण गर्नुका साथै अहोरात्र नागरिकको सेवामा समर्पित सिङ्गो प्रहरी संगठनको छवि लमिल्याउने र सामाजिक सञ्जालको दुरुपयोग गरी अफवाह फैलाउने’ कसुरमा भक्तपुरको चागुनारायण नगरपालिकाको वडा नं. ६ खरिबोट बस्ने इशान लामिछानेलाई सोमबार पक्राउ गरिएको प्रहरीले बताएको छ ।

उनलाई थप अनुसन्धानका लागि काठमाडौं जिल्ला अदालतको अनुमतिले ७ दिन म्याद थप गरी आवश्यक अनुसन्धान भइरहेको प्रहरीले बताएको छ ।