गुल्मीमा कोरोना एन्टिजिन परीक्षण रिपोर्ट पोजेटिभ भएका एक पुरुषको मृत्यु भएको छ ।

जिल्लाको छत्रकोट गाउँपालिका-३ का बासखर्क बस्ने ४५ वर्षीय पुरुषको गएराति मृत्यु भएको छत्रकोट गाउँपालिकाका स्वास्थ्य संयोजक पुन्य प्रसाद गौतमले बताएका छन् ।

उनी भारतबाट वैशाख २ गते  नेपाल फर्किएका थिए  । भारतबाट नै ज्वरो आएकाले उनी होम आइसालेसनमा बसेका थिए ।

उनको वैशाख ३ गते एन्टिजिन परीक्षण रिपोर्ट पोजेटिभ आएको थियो ।

उनको स्वाब सकलन गरी पीसीआर परीक्षण गर्न लुम्बिनी प्रादेशिक अस्पताल बुटवलमा पठाउने तयारी भएको स्वास्थ्य संयोजक गौतमले बताए ।