बुटवल: रुपन्देहीको गैडहवा गाउँपालिका-७ गुलरियामा चोक नन्दनगरमा रहेको पेट्रोल पम्पमा आगलागी भएको छ ।

स्थानीय राजकुमार चौधरीको आशिष पेट्रोल सप्लायर्सको पम्पमा आइतवार राति आगो लागेको हो ।

आगो नियन्त्रण लिने प्रयास गर्दा पम्प सञ्‍चालक हेमन्त चौधरी घाइते भएका छन् । घाइते चौधरीको उपचार बुटवलमा भैइहेको छ ।

उनका अनुसार आगलागीबाट करिब १ लाख लिटर इन्धन र तेल बोकेर आएको ट्यांकरसमेत जलेर नस्ट भएको छ ।

दुईवटा बारुणयन्त्रले आगो नियन्त्रणमा लिएको इलाका प्रहरी कार्यालय सूर्यपुराका प्रहरी प्रमुख प्रहरी निरीक्षक हरिबहादुर खड्काले जानकारी दिएका छन् । ।

प्रहरी निरीक्षक खड्काले आगो कसरी लाग्यो भन्‍ने थाहा हुन नसकेको  बताएका छन् ।