देशभरको मौसम आज कहाँ कस्तो रहन्छ?
प्रकाशित मिति
२०७७ चैत्र १२ गते, बिहीबार ०८:०५
काठमाडौँ : पहाडी क्षेत्रको मौसम बिहीबार आंशिक बदली रहे पनि देशका अरु क्षेत्रमा भने सामान्यतया सफा रहने जल तथा मौसम पूर्वानुमान महाशाखाले जनाएको छ । देशमा अहिले स्थानीय वायुसँगै पश्चिमी वायुको समेत आंशिक प्रभाव छ ।
हाल पहाडी भू–भागमा आंशिक बदली रही बाँकी क्षेत्रको मौसम सामान्यतया सफा रहेको छ। बिहीबार दिउँसो पहाडी भू–भागमा आंशिक बदली रही बाँकी क्षेत्रको मौसम सामान्यतया सफा रहने छ ।
पहाडी भू–भागका एक–दुई स्थानमा मेघगर्जन र चट्टयाङ्गसहित हल्का वर्षाको सम्भावना रहेको मौसमविदले बताएका छन् ।
यस्तै राति सुदूरपश्चिम प्रदेश लगायत देशको पहाडी भू–भागमा आंशिक बदली रही बाँकी क्षेत्रमा मौसम सामान्यतया सफा रहने छ।
प्रतिकृया