सुर्खेतः दाङबाट सल्यानको जादै गरेको बस दुर्घटना भएको छ ।

बिहीबार दिउँसो ३ बजेतिर ना ५ ख ७७५० नम्बरको बस सुर्खेतको गुर्भाकोट नगरपालिका–९ भुल्केबाट भेरी नदीमा बस खसेको हो ।

दुर्घटनामा एक जनाको मृत्यु भएको छ। मृत्यु हुनेमा बसका चालक दाङको बबई गाउँपालिका–३ का सुमन नेपाली छन्।

त्यस्तै दुर्घटनामा कालिमाटी गाउँपालिका–४ खैरेनी सल्यानका दीपक भनिने ईश्वर सुनार घाइते भएका छन्। उनलाई सुर्खेतको मेहलकुना अस्पतालमा प्राथमिक उपचारपछि नेपालगञ्ज रिफर गरिएको प्रहरीले जनाएको छ।

त्यस्तै दुर्घटनामा एक जना बेपत्ता भएका छन्। उनको विवरण खुलेको छैन। घाइतेका अनुसार बसमा तीन जना मात्रै सवार रहेको बताइएको छ ।

बस दाङबाट रिजर्बमा सल्यान जान लागेको थियो। तर गाडी सल्यानको कुन ठाउँ र कुन प्रयोजनका लागि जान लागेको थियो भन्नेबारे केही खुलेको छैन।