रुसको दक्षिण क्षेत्रमा पर्ने एक तालमा डुंगा दुर्घटनाः १७ जना वेपत्ता ।

प्रकाशित मिति

२०७७ पुष १४ गते, मंगलवार ०७:५१

एजेन्सीः रुसको दक्षिण क्षेत्रमा पर्ने एक तालमा माछा मारिरहेको डुंगा हिउँमा पुरिदा १७ जना वेपत्ता भएका छन् ।

माइनस ३० डिग्रि सेल्सियस तापक्रम मापन गरिएको क्षेत्रमा उक्त डुंगा हिउँले पुरिदा उनीहरु वेपत्ता भएका हुन् ।

रुसी सन्चारमाध्यमका अनुसार पुरिएकामध्ये २ जनाको उद्धार गरिएपनि बाँकीको अवस्था अज्ञात रहेको बताइएको छ । खराब मौसमका कारण उद्धार गर्न गाह्रो भइरहेको र हेलिकप्टरसमेत त्यहाँ लैजान अप्ठेरो भएको रुसी अधिकारीहरुले बताएका छन् ।

हिउँले पुरिएपछि डुंगा आफ्नो भार थाम्न नसकेर भास्सिएको बताइएको छ ।