विषालु च्याउ खाँदा एकै परिवारका चार जना बिरामी

प्रकाशित मिति

२०७७ असार २७ गते, शनिबार ०३:३३

रुपन्देही, रुपन्देहीको रोहिणी गाउँपालिका–१ मा विषालु च्याउ खाँदा एकै परिवारका चार जना बिरामी परेका छन् ।

शुक्रबार साँझ जङ्गलबाट ल्याइएको च्याउ खाँदा रोहिणी-१ निवासी ३० वर्षीया सहनाज खातुन, २० वर्षीया मसिहुस निसा, १६ वर्षीया सहिदा खातुन र १० वर्षीय समिर अन्सारी बिरामी भएका हुन् ।

उनीहरुको भैरहवा मेडिकल कलेजमा उपचार भइरहेको र सामान्यावस्था रहेको प्रदेश प्रहरी कार्यालयका प्रवक्ता राजकुमार बैदवारले जानकारी दिए । च्याउ खाएपछि उनीहरुलाई बान्ता भइरहेपछि उपचारका लागि अस्पताल ल्याइएको थियो ।