काठमाडौं । आईसीसी महिला टी–२० विश्वकपको सातौं संस्करण आज (फेब्रुअरी २१)बाट अस्ट्रेलियामा सुरु हुँदै छ ।

प्रतियोगिताको उद्घाटन खेलमा डिपेन्डिङ च्याम्पियन अस्ट्रेलिया र भारत प्रतिस्पर्धा गर्दैछन् । दुवै टोली आजको खेलबाट सुखद नतिजाबाट प्रतियोगिता सुरु गर्ने दाउमा छन् ।

मार्च ८ सम्म (१७ दिन) चल्ने प्र्र्तियोगितामा १० टिम सहभागी छन्, जसमा पाँच–पाँच टिमको दुई समूह बनाइएको छ। समूह ‘ए’मा अस्ट्रेलिया, बंगलादेश, भारत, न्युजिल्यान्ड र श्रीलंका रहेका छन् भने समूह ‘बी’मा इंग्ल्यान्ड, पाकिस्तान, दक्षिण अफ्रिका, थाइल्यान्ड र वेस्ट इन्डिज रहेका छन् ।

टुर्नामेन्ट फर्म्याटमा सञ्चालन हुने उक्त प्रतियोगितामा समूह चरणका विजेता र उपविजेता सेमीफाइनल पुग्नेछन्। समूह चरणमा प्रत्येक टोलीले चार–चार खेल खेल्नेछन् ।