काठमाडौं, नेपाल बाल शल्य चिकित्सक संघमा प्राडा रामनन्दनप्रसाद चौधरीको अध्यक्षतामा नयाँ कार्यसमिति गठन भएको छ। संघको शुक्रबार सम्पन्न चौथौ साधारण सभामा डा चौधरीको अध्यक्षतामा ११ सदस्यीय नयाँ कार्यसमिति गठन भएको हो ।

संघको उपाध्यक्षमा प्राडा रामेश्वर प्रसाद पोखरेल, महासचिवमा डा अनुपमा थापा, सहसचिवमा डा गेहराज दाहाल, कोषाध्यक्षमा डा विजय थापा र सहकोषाध्यक्षमा डा रमना राजकर्णिकार चयन हुनुभएको छ ।

यसैगरी, सदस्यहरूमा डा पुष्कर पोखरेल, डा मनिष पोखरेल, डा ज्यस्मिन बज्राचार्य र डा आशिष लाल श्रेष्ठ चयन हुनुभएको छ ।

कार्यसमितिमा निवर्तमान अध्यक्ष पदेन सदस्य रहने व्यवस्था छ। संघका निवर्तमान अध्यक्ष डा नारायण बहादुर थापा रहनु भएको छ ।