काठमाडौं, नेपालका लागि चिनियाँ राजदूत होउ याङछीले भोलिदेखि शुरू हुने नेपाल भ्रमण वर्ष २०२० को सफलताको शुभकामना दिनुभएको छ । आज ट्वीटरमा आफू काठमाडौंका सम्पदा क्षेत्रमा घुमेका चार तस्वीर पोष्ट गर्दै उहाँले भ्रमण वर्ष सफलताको शुभकामना व्यक्त गर्नु भएको हो ।

पर्यटनमन्त्री योगेश भट्टराईलाई मेन्सन गर्दै उहाँले ट्वीटमा लेख्नुभयो, ‘सुन्दरताले सँधै हृदयको गहिराईलाई स्पन्दन गर्दछ। इतिहास, विविधता र प्रकृतिले सुन्दर नेपाल भ्रमणका लागि उपयुक्त छ।’

नेपाल घुम्न आउने विदेशी पर्यटकमा चिनियाँ पर्यटकको संख्या उल्लेख्य छ। चीनका विभिन्न शहरहरूमा नेपाल भ्रमण वर्षको प्रवद्र्धन पनि भइरहेको छ।