एजेन्सी, ब्राजिलमा रहेको अमेजन जङ्गलमा लागेको आगो निभाउनका लागि सेना परिचालन गरिने भएको छ ।उक्त अमेजन जङ्गलमा लागेको आगो निभाउन ब्राजिलका राष्ट्रपति जइर बोल्सोनारुले सशस्त्र सुरक्षा फौजलाई आदेश दिएका छन्।

राष्ट्रपति बोल्सोनारुले देशका संरक्षित प्राकृतिक क्षेत्र, आदिवासी भूभाग र सीमावर्ती क्षेत्रहरूमा लागेका आगो नियन्त्रणमा लिनका लागि सैनिकहरू खटाउन आदेश दिएका हुन् ।युरोपेली नेताहरूले अमेजन क्षेत्रमा लागेका आगो निभाउनका लागि ब्राजिलमाथि दबाब तीव्र बनाएपछि बोल्सोनारुले यस्तो आदेश दिएको बीबीसीले जनाएको छ ।

उक्त जङ्गलको आगो ननिभाए दक्षिण अमेरिकी देशहरूसँगको आफ्नो ठूलो व्यापार सम्झौता नवीकरण नगर्ने चेतावनी फ्रान्स र आयरल्याण्डले दिएपछि राष्ट्रपति बोल्सोनारुले पछिल्लो कदम चालेका हुन्।