निर्देशक–अभिनेता निश्चल बस्नेत र अभिनेत्री स्वस्तिमा खड्काको जोडी ‘आदर्श जोडी सम्मान २०७६’बाट सम्मानित भएको छ। ललितपुरको जावलाखेलस्थित खुल्ला चौरमा ‘तीज माइती मेला २०७६’ को उद्घाटन समारोहमा नेपाली कला क्षेत्रको आदर्श जोडीको उपाधि दिँदै निश्चल र स्वतिमालाई सम्मान गरिएको हो ।

ललित व्यूटिसियन बहुउद्येश्यीय सहकारी संस्था लिमिटेड र ललित फरिया घरको आयोजनामा तीन दिनसम्म चल्ने मेलाको उद्घाटन ललितपुर महानगरपालिकाका मेयर चिरिबाबु महर्जनले गरेका थिए । कार्यक्रममा प्रमुख जिल्ला अधिकारी प्रेमराज जोशी विशिष्ट अतिथि थिए भने ललितपुर महानगरपालिकाकी उपमेयरलगायतको प्रस्तुति रहेको थियो ।