रौतहट, रौतहटमा ईट्टाभट्टाको पानीमा डुबेर दाजु बहिनीको मृत्यु भएको छ । बुधबार बिहान चन्द्रपुर नगरपालिका–९ डुमरियास्थित रहेको ईट्टाभट्टाको पानीमा डुबेर सर्लाहि हरिपुर नगरपालिका–४ घर भई हाल डुमरिया बस्ने ११ वर्षको अनिस साह र उनकै बहिनी ९ वर्षकी कल्पना साह को मृत्यु भएको प्रहरीले जनाएको छ ।

पानीमा डुबेका उनीहरुको उपचारका क्रममा चन्द्रपुर अस्पतालमा मृत्यु भएको हो । उनीहरु नुहाउने क्रममा चिप्लिएर खाल्डोमा पारेर वेहोस भएको र प्रहरीको सक्रियतामा उद्दार गरि अस्पताल लगिएकोमा अस्पतालले मृत घोषणा गरेको प्रहरीले जनाएको छ ।