भक्तपुरः भक्तपुर सुर्य्बिनायकबाट विभिन्न रकम तथा अन्य सामानहरु सहित ७ जना जुवाडे पक्राउ परेका छन् । भक्तपुर जिल्ला सुर्य्बिनायक न.पा. ६ सुर्य्बिनायक स्थित चिरन थापाले संचालन गरेको करण क्याफेमा महानगरीय प्रहरी वृत्त जगाती भक्तपुरबाट खटिएको प्रहरी टोलीले तास खेलिरहेको अवस्थामा नगद रु ७०,१९५ अक्षरेपि सत्तरी हजार एक सय पन्चानब्बे रुपैया, ३ बुक तास र तास खेल्न प्रयोग गरिने बिभिन्न सामानहरु सहित ७ जनालाई पक्राउ गरेको छ ।

उनीहरुलाई पक्राउ गरी महानगरीय प्रहरी परिसर भक्तपुरमा राखी थप अनुसन्धान कार्य भइरहेको प्रहरीले बताएको छ । आजकल प्रतिदिन जस्तो नै भक्तपुर सुर्य्बिनायकबाटै विभिन्न रकम तथा सामानहरु सहित जुवाडेहरु पक्राउ परेका छन् ।