काठमाडौं, मलेसियामा अवैधानिक रुपमा बसिरहेका ९४ जना आप्रवासी कामदार पक्राउ परेका छन् । पछिल्लो १२ घण्टा प्रहरीले गरेको खोजतलाशका क्रममा उनीहरु पक्राउ परेको स्थानीय सञ्चार माध्यमहरुले जनाएका छन् । त्यसमा नेपालीहरुको संख्या ४ जना रहेको छ । खोजतलाशका क्रममा २ सय ७१ विदेशीको जाँच गर्दा ९४ जनासँग वैधानिक कागजात नभएको भेटिएको प्रहरीले जनाएको छ ।

पक्राउ पर्नेहरुमा सवैभन्दा धेरै बंगलादेशी रहेका छन् । बंगलादेशका ३१ जना पक्राउ परेका छन् भने २८ जना म्यानमारका नागरिक रहेका छन् ।

यसैगरी ११ जना इण्डोनेशियाका नागरिक, ५ जना भारतीय, ४ जना नेपाली, तीनजना सोमाल तथा दुई दुई जना पाकिस्तानी र नाइजेरियाली रहेको सञ्चार माध्यमले जनाएका छन् । पक्राउ परेकाहरुलाई जिनजाङगस्थित हिरासतमा बताइएको छ ।