फिफा क्लब विश्वकप कतारमा आयोजना हुने भएको छ । यसअघि फिफाले क्लब विश्वकपको संरचना परिवर्तन गरेर खेलाउने जनाएपनि यो वर्षको क्लब विश्वकपमा कुनै परिवर्तन नहुने भएको छ ।

६ वटा महादेशका च्याम्पियनले उपाधिका लागि आगामी डिसेम्बरमा प्रतिष्पर्धा गर्नेछन् । योसँगै सन् २०२० को संस्करण पनि कतारमा नै हुनेछ । कतारले सन् २०२२ को विश्वकप पनि आयोजना गर्दैछ ।

आयोजक देशको लिग च्याम्पियनसँगै कुल सात टिमले प्रतियोगितामा सहभागिता जनाउनेछन् ।

फिफाले क्लब विश्वकपलाई अझ ब्यापक र प्रतिष्पर्धात्मक बनाउनका लागि २४ टिमलाई सहभागि गराएर नयाँ संरचना बनाउने भनेको थियो । तर युरोपेली फुटबल महासंघले यसको विराध गरेपछि फिफाले थप गृहकार्य गर्दै २०२१ देखि नयाँ संरचना ल्याउने भएको छ ।